Lerik rayon Gürdəsər Meşəbəyliyinin 7 saylı dolayında Dokır deyilən ərazidə nadir ağac növlərinin işlik material üçün kəsilməsi faktı qeydə alınıb.

Regionxeberlericom.az AzToday.az-a istinadla xəbər verir ki, meşədən daşınan işlik materialların bir hissəsi rayonun Bırkandul kəndinin sakini Tofiq in həyətində Lerik Polisi tərəfindən tapılır. Lənkəran RegionalMeşə Təsərrüfatı Mərkəzinin 7 saylı dolayda apardığı yoxlama nəticəsində isə kəsilən agaclar və işlik materialların böyük hissəsi tapılır.

Kənd sakinlərinin sözlərinə görə, İltifat adlı meşə gözətçisi meşədə qırıntılarda əsas şübhəli şəxsdir. Onun Regional Meşə Təsərrüfatı Mərkəzinin rəhbərliyi və Lerik rayonun hüquq-mühafizə orqanları tərəfindən himayə olunduğu yayılan məlumatlar sırasındadır. Bu səbəbdən sözugedən meşə qırıntılarında İltifatın adı hallandırılmır.

Məlumata görə, cənub meşələrində tender yolu ilə sekvestr agacları da İltifat Bakıya daşıtdırır. Sekvestr adı ilə işlik materiallar üçün meşələrdə kütləvi qırıntılar etdiyi bildirilir.

Ümid edirik ki, kənd sakinlərinin şikayətləri əsasında qeydə alınmış kütləvi agac qırıntıları və tutulan işlik materiallara görə, əsl günahkarlar cəzasını alacaq…