Tanınmış insan hüquqları müdafiəçi, “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı daha bir vətəndaş gileyini ictimailəşdirib. Regionxeberlericom.az DİA.AZ-a istinadən bildirir ki, bu dəfə diqqətə çatdırılan məsələdə ənənəvi məmur özbaşınalığı xüsusi olaraq diqqətə gəlməkdədəri. Beləliklə, M. Qəhrəmanlıya istinadla İlkin adlı narazı vətəndaşın müraciətini təqdim edirik:

"Azəriqaz İB-nin sədri cənab Ruslan Əliyevə.

Cənab sədr, nəzərinizə çatdırmaq istəyirəm ki, Salyan regional qaz idarəsinin rəisi Azər Musayev Məhkəmə adından çıxan qərardadı, icra məmurunun qərarı, sizə ünvanılan məktubu, Sizin rəsmi göstərişinizə məhəl qoymayaraq,qazın kəsilməsinə dair özü qərardad qəbul edərək 23.01.2023-ci il tarixli 483 nömrəli xəbərdarlıq məktubu ölmüş şəxsə göndərərək üç gün müddətinə 10326.42 manat borcu ödənilməyn təqdirdə Sabirabad rayon Mirhəsən Mirağa oğlu küçəsi ev29a ünvanına qazın verilməsi dayandırılacaqdır.

Cənab sədr xahiş edirəm araşdırılsın ki, bu Azər Musayev, Qənimət Səmədov və Fərid Ağayev məndən nə istəyirlər, niyə görə qanunları bilərəkdən pozurlar!.."

M.Qəhrəmanlı sözügedən müraciəti aşağıdakı kimi şərh edib:

"Rəisdən o dünyaya məktublar davam edir. Rəis düşər düşməzi olar ha! Birdən çoxdan o dünyada olan abonent şəxsən özü sizlə görüşmək istədi?.."

Müraciətə aid fotolar: