Uzun illər ABŞ-da yaşayan , bu ölkənin vətəndaşlığını alan hökümətin sərt tənqidçisi, politoloq Ramiz Yunus Azərbaycana səfər edib.

Ramiz Yunusun ölkəyə gəlişi ilə bağlı sosial şəbəkələrdə bir sıra fikirlər səsləndirilib.

İddialara görə, hökumətin sərt tənqidçisinin Azərbaycana sərbəst gəlməsi qarşılıqlı razılaşmanın və barışığın ifadəsidir.

Gununsesi.info-ya açıqlamasında Ramiz Yunus Azərbaycan səfəri haqqında danışıb.

O, bildirib ki, bu səfər onun özü üçün də gözlənilməz olub: “Sözün düzü bu mənim özüm üçün da gözlənilməz oldu. Mənim Tükiyəyə səfərim planlaşdırılmışdı. Mənim Türkiyədə olan dostlarım mənə Bakıya getmək istədiyimi, nələri görmək istədiyimi soruşublar. Mən də müsbət cavab verdim. Bildirdim ki, mən ABŞ vətəndaşıyam, axı bu necə mümkün ola bilər. Mənim Azərbaycan pasportum yoxdur.

Dostların tövsiyyəsi ilə online qaydada viza müraciətinə baş vurdum və dərhal mənə müsbət cavab gəldi”.

Azərbaycanda olarkən valideynlərinin, vəfat etmiş dostlarının məzarlarını ziyarət edən Ramiz Yunus deyib ki, bu anlar həyatında dərin iz buraxıb.