Azərbaycanın sığorta bazarının lideri olan «Paşa Sığorta» 2022-ci ili böyük mənfəətlə bitirib.

Məlumata görə, FED.az şirkətin hesabatına istinadən xəbər verir ki, 2022-ci ildə şirkətin cəmi gəlirləri 212 milyon 214 min manat, cəmi xərcləri isə 173 milyon 883 min manat olub.

2021-ci illə müqayisədə şirkətin cəmi gəlirləri 22 milyon manat, xərcləri isə 13 milyon manat artıb.

2022-ci ildə şirkətin əsas gəlir mənbəyi olan sığorta haqları 40 milyon manata yaxın artaraq 167 milyon manatdan 206 milyon manata yüksəlib.

Sığorta ödənişləri isə əksinə, azalaraqa 75 milyon manatdan 68 milyon manata düşüb.

Şirkət 2021-ci ildə işlərin aparpılmasına 35 milyon xərcləridiyi halda, 2022-ci ildə bu göstərici 42 milyon manata yüksəlib.

Nəticədə şirkət 2022-ci ili 38,3 milyon manat maliyyə mənfəəti ilə başa vurub, 9,1 milyon manaot mənfəət vergisi ödənişindən sonra şirkətin xalisç mənfəəti 29,2 milyon manat olub. Bu 2021-ci ilin nəticəsindən 5 milyon manat artıqdır.

“Paşa Sığorta”nın 2022-ci ildə əldə etdiyi mənfəət nəinki sığota sektorunda ən yüksəkdir, şirkət bu göstəriciyə görə hətta ölkənin bank sektorundakı 25 bankdan 21-ni qabaqlayır.

2022-ci ilin sonuna «Paşa Sığorta» şirkətinin cəmi aktivləri 36 milyon manat artaraqa 238 milyon manatdan 274 milyon manata yüksəlib. Öhdəlikləri isə 21 milyon manat artaraq 146 milyondan 167 milyon manata yüksəlib.

Şirkətin cəmi kapitalı isə 79,2 milyon manat təşkil edib.