Naxçıvan şəhəri Nizami küçəsində olan Nəriman Nərimanovun heykəli ərazidən götürülüb. 

Məsələ ilə bağlı Naxçıvan Şəhər İcra Hakimiyyətindən mövqe öyrəndik. Bu barədə açıqlama verən Naxçıvan Şəhər İcra Hakimiyyəti başçısının birinci müavini Pəncalı Hüseynov bildirib ki, “Böyük bağ” ərazisində ucaldılmış heykəl zərurət səbəbindən götürülüb və yerinə qaytarılacaq: “Ərazidə yağan yağışlar səbəbindən heykəlin pastementinin alt hissəsində çökmə baş vermişdi. Hazırda ərazidə bərkitmə işləri həyata keçirilir, armatur toxunur. Bərkitmə işləri yekunlaşandan sonra Nəriman Nərimanovun heykəli yerinə bərpa ediləcək”.

P.Hüseynov təmir işlərinin hansı müddətə başa çatmasının hava şəraitindən asılı olduğunu bildirib.