Energetika Nazirliyinin "Nazirliyin inzibati binasında keçirilən iclas, tədbir və görüşlər zamanı içməli su tələbatının ödənilməsi üçün suların satın alınması" tenderi ləğv olunub.

Regionxeberlericom.az FED.az-a istinadla xəbər verir ki, buna səbəb tenderdə iştirak etmək üçün tender təklifi vermiş iddiaçıların sayı üçdən az olmasıdır.

Bu da Dövlət Satınalmaları haqqında qanunun 11.1-ci maddəsi ilə tənzimlənir. Həmin maddəyə görə tenderdə iştirak etmək üçün tender təklifi vermiş iddiaçıların sayı üçdən az olduqda satınalan təşkilat tenderin davamından imtina edir və bu barədə məlumatı tender elan olunduğu mətbuat orqanında 5 bank günü ərzində dərc etdirir və rəsmi internet saytında yerləşdirir.