Son vaxtlar Ermənistanın təmas xəttində çoxlu sayda texnika və canlı qüvvə toplamaqdadır. Ermənistanın hərbi aktivliyi İrəvanın bölgədə yeni bir qarşıdurmaya rəvac verəcəyi ilə bağlı ehtimallara yol açıb.

Moderator.az-a açıqlama verən millət vəkili Elman Məmmədov Ermənistanın müharibə arzusunun onun özünün faciəsi ilə yekunlaşacağını vurğulayıb:

“Ermənistan yenə də xarici havadarlarının şirin vədlərinə, onların verdiyi təlimatçılara, silah-sursata, hərbi texnikaya uyub belə düşünür ki, yenidən Azərbaycana qarşı müharibəyə başlasa, o zaman nələrisə qaytara, nələrsə əldə edə bilər. Lakin mən əminliklə deyirəm ki, Azərbaycan Ordusu qarşısında, Azərbaycan xalqının iradəsi və qəhrəmanlığı qarşısında, Azərbaycan Prezidentinin apardılğı müdrik siyasət qarşısında bütün bu fitnə-fəsadlar puç olacaq. Bunlar xülyadan başqa bir şey deyil. Ermənistan məğlubiyyətə və rüsvayçılığa məhlkumdur və bu aqibətdən qurtula bilməyəcək”.