“Konqresdəki partiya liderlərinin və yaxın dostlarının artan təzyiqləri ABŞ Prezidenti Co Baydeni bu həftəsonu prezidentlik yarışından geri çəkilməyə inandıracaq”.

Bu barədə “Axios”a bir neçə yüksək səviyyəli demokratlar danışıb.

Bildirilir ki, hazırda COVID-19 səbəbiylə özünü təcrid edən 81 yaşlı prezident açıq şəkildə israrlıdır. Mənbələr qəzetə bildiriblər ki, o, artan təzyiq və zəif sorğu nəticələri ilə tanış olub, bu da onun kampaniyasını davam etdirməsini qeyri-mümkün edir:

Onun partiyasının yüksək səviyyəli liderləri, dostları və əsas sponsorları onun qalib gələ bilməyəcəyinə, yaşı və əqli qabiliyyətinə dair ictimai təsəvvürləri dəyişdirə bilməyəcəyinə və Konqresdə çoxluq qazana bilməyəcəyinə inanırlar.

Prezidentə deyilir ki, vəzifəsində qalsa, Donald Tramp noyabrda böyük qələbə qazana, Baydenin irsini və Demokratların ümidlərini alt-üst edə bilər.