Hindistanın Baş naziri Narendra Modi ABŞ Prezidenti Co Baydenlə telefonla danışıb.

Bu barədə Modi “X” sosial şəbəkə hesabında yazıb.

O qeyd edib ki, söhbət zamanı müxtəlif regional və qlobal məsələlər, o cümlədən Ukraynadakı vəziyyətlə bağlı ətraflı fikir mübadiləsi aparılıb.

“Biz Banqladeşdəki vəziyyəti də müzakirə etdik və orada hindular üçün normal yaşayış və təhlükəsizliyin tezliklə bərpa edilməsinin vacibliyini vurğuladıq”, - Baş nazir vurğulayıb.

Modi söhbət zamanı Hindistanın sülh və sabitliyin tezliklə bərpasına tam dəstəyini bir daha ifadə edib.