Rusiya Xarici İşlər Nazirliyinin (XİN) rəsmi nümayəndəsi Mariya Zaxarova Ermənistanın Baş naziri Nikol Paşinyanın KTMT-nin respublikanı təhdid etməsi ilə bağlı sözlərini sağlam düşüncəyə zidd adlandırıb.

Bu haqda TASS məlumat yayıb.

“Mənə elə gəlir ki, bu bəyanatlar sağlam düşüncəyə və reallığa ziddir. Çünki əgər sizi, xüsusən də milli təhlükəsizliyi bir şey təhdid edirsə, Ermənistanın hələ də KTMT-də qaldığını deməyin nə mənası var?”, - Zaxarova bildirib.

Qeyd edək ki, Ermənistanın Baş naziri Nikol Paşinyan KTMT-nin Ermənistanın təhlükəsizliyinə, gələcək mövcudluğuna və suverenliyinə təhdid yaratdığını bildirmişdi.