Fransa Ukraynaya silah verməyə davam edəcək.

Bu haqda Fransa Prezidenti Emmanuel Makron Nyu-Yorkda BMT Baş Assambleyasının 79-cu sessiyasında danışıb.

Onun sözlərinə görə, bütün dünyanın ortaq marağı Kiyevi öz hüquqlarına qaytarmaq, möhkəm və uzunmüddətli sülh qurmaqdır.

“Fransa Ukraynanı silahla təmin etməyə davam edəcək. Bu, ukraynalıların müqavimətini dəstəkləyəcək və onlara təhlükəsizliyi təmin etməyə kömək edəcək”, - Makron vurğulayıb.