Belarus prezidenti Aleksandr Lukaşenko Rusiya ilə birgə vahid valyutanın yaradılmasına razılıq verib.

Bununla bərabər, Lukaşenkonun sözlərinə görə, iki ölkənin birləşməsi barədə danışmaq hələ tezdir. Müttəfiq dövlətərin valyutası rubl olmalıdır – nə rus rublu, nə də Belarus rublu – ümumi rubl olmalıdır.

Lukaşenko bu barədə Minskdə keçirilən böyük konfransda bəyan edib.

Onun sözlərinə görə, açar məsələ – emisiya mərkəzinin harada yerləşməsidir. Belarus prezidenti valyutanın Sankt-Peterburqda buraxılması ilə razılaşmağa hazır olduğunu bildirib («İnterfaks»).

Bundan başqa, Lukaşenko ikitərəfli münasibətlərin digər istiqamətlərinə də toxunub. Onun sölərinə görə, Putinin Belarusu Rusiyanın tərkibinə qatmaq niyyəti yoxdur – baxmayaraq ki, hər iki tərəf inteqrasiya üzrə işçi qrup yaradıb – hələlik birləşmək barədə söhbət getmir.

Daha nə qaldı ki, barəsində söhbət də gedəydi? Açıq görünür – Lukaşenko bu dəfə «nala-mıxa» vurur ki, «at» qorxudan şahə qalxmasın…


Paylaş: