Ermənistanın Baş naziri Nikol Paşinyan daha bir sərsəm iddia irəli sürüb. O deyib ki, Azərbaycan "Dünyanın kəsişməsi" layihəsinin Ermənistana on milyardlarla dollar gəlir gətirə biləcəyindən narahatdır.

Paşinyanın fikirlərini TNS-ə şərh edən iqtisadçı alim Rüfət Quliyev deyib ki, Azərbaycan heç nədən narahat deyil.

Alimin sözlərinə görə, Ermənistan bütün gücü ilə "Dünyanın kəsişməsi" adlanan layihənin reallaşmasına çalışır: “Amma bu layihə ilə bağlı heç bir iş görülməyib. Eləcə sözdə deyilib. Yəni, bunu layihə adlandırmaq da olnaz. Qonşu ölkələrin “Dünyanın kəsişməsi" layihəsinə qoşulması inandırıcı deyil. O cümlədən İran buna səy göstərmir. Çünki layihənin ərsəyə gətirilməsi üçün külli miqdarda vəsait lazımdır. İranın bu qədər vəsaiti ödəmək imkanı yoxdur.

Ermənistan da iqtisadi baxımdan o qədər güclü deyil ki, layihəyə vəsait ayıra bilsin.

Həm də bu layihənin əhatə etdiyi bütün dövlətlər bunun reallaşması razılıq verməlidir.

İndiyədək Azərbaycan bir neçə beynəlxalq layihə həyata keçirib. Layihə hazırlanıb, qonşu dövlətlərlə razılaşdırılıb, sonra tikinti işlərinə start verilib. Normal prosedur da buru. Amma Ermənistan hələ sadəcə sözdə deyilən bir layihədən danışır, milyardlarla dollar gəlir əldə edəcəyini deyir".