Rusiya Prezidenti Vladimir Putin Qazaxıstana dövlət səfərinə gedib.

Bununla bağlı Rusiya KİV məlumat yayıb.

Məlumata əsasən, Qazaxıstan Prezidenti Kasım-Jomart Tokayev Vladimir Putini Astana hava limanında qarşılayıb.

Səfər zamanı Rusiya lideri Qazaxıstanlı həmkarı ilə danışıqlar aparmağı planlaşdırır. Dövlət başçıları Astana ilə Moskva arasında strateji tərəfdaşlığın inkişafını müzakirə edəcəklər. 

Qeyd edək ki, Putin Qazaxıstana iki günlük səfər edib. O, sabah KTMT-nin Astanada keçiriləcək sessiyasında iştirak edəcək.