Rumıniya Prezidenti Klaus İohannis fevralın 12-də istefa verəcək.

Bu barədə onun Rumıniyanın əsas KİV-ləri tərəfindən yayımlanan bəyanatında deyilir.

“Bu gün Rumıniya parlamenti prezidentin vəzifədən kənarlaşdırılması proseduruna başlayıb. Bir neçə gündən sonra Rumıniya parlamenti mənim istefama səs verəcək və Rumıniya böhran vəziyyətində qalacaq, çünki prezidentin istefası ilə bağlı referendum başlayacaq", - İohannis deyib.

Ölkə başçısı Rumıniya cəmiyyətinin parçalanacağını proqnozlaşdırır:

“Əgər prezident seçkilərinə artıq hazırlıq gedirsə, xaricdə heç kim bu demarşın niyə edildiyini başa düşməyəcək. Əsasən, hamı bizə güləcək. Rumıniyanı və Rumıniya vətəndaşlarını bu böhrandan, belə faydasız və neqativ haldan xilas etmək üçün mən prezident postundan istefa verirəm. Fevralın 12-də vəzifəmi tərk edəcəm”.