“Araşdırma prosesi başa çatıb. Nəticədə 27 seçki məntəqəsində qanun pozuntuları aşkar olunduğundan bələdiyyələr üzrə seçkilər etibarsız hesab edilib”.

Bunu Mərkəzi Seçki Komissiyasının katibi Arifə Muxtarova bələdiyyə seçkilərinin yekunları barədə çıxışı zamanı bildirib.

“MSK tərəfindən aparılan araşdırmaların nəticəsi olaraq, 15 saylı Yasamal birinci seçki dairəsinin 9 saylı, 17 saylı Yasamal üçüncü seçki dairəsinin 8 saylı, 23 saylı Nəsimi – Səbail seçki dairəsinin 29 saylı, 80 saylı Lerik – Astara seçki dairəsinin 62 saylı, 81 saylı İmişli seçki dairəsinin 11 saylı, 86 saylı Ağcabədi seçki dairəsinin 30 saylı seçki məntəqəsində seçicilərin iradəsinin müəyyənləşdirilməsinə imkan verməyən qanun pozuntuları aşkarlandığından səsvermənin nəticələri ləğv edilib”, - kati bildirib.

Onun sözlərinə görə, 8039 bələdiyyə üzvü seçilib, 681 bələdiyyə tam tərkibdə formalaşıb.