ABŞ dövlət katibi Marko Rubio Vaşinqtonun avropalı müttəfiqlərinə bildirib ki, prezident Donald Tramp administrasiyası Ukraynadakı münaqişənin həlli ilə bağlı razılıq əldə olunana qədər Rusiya əleyhinə sanksiyaları qüvvədə saxlayacaq.

Bu barədə mənbələrə istinadən Bloomberg məlumat yayıb.

Bundan əvvəl Ər-Riyadda Rusiya ilə danışıqlardan sonra Rubio bildirmişdi ki, Ukrayna münaqişəsi həll edildikdən sonra Qərb ölkələri Rusiyaya qarşı sanksiyaları ləğv etməli olacaqlar. Eyni zamanda, Avropa İttifaqı da sanksiyalar siyasətinə yenidən baxmalı olacaq.