Vaşinqtonun tövsiyələrini dinləyən “Mudi” və “Fiç” investorları Türkiyədən qaçırmağa çalışır.

Bu sözləri rusiyalı ekspert Viktor Nadein-Rayevski deyib. O bildirib ki, Türkiyə hakimiyyəti son mərhələdə lirəni möhkəmləndirmək üçün monetarizm yolunu seçdi:

“Lirəni möhkəmləndirmə cəhdləri inflasiyaya yol açdı və indi də türk iqtisadiyyatının bu durumdan çıxması çətinləşib. Məsələn, Rusiya Mərkəzi Bankı inflasiya qorxusu səbəbindən rublun dəyərini aşağı saxlayır. Türkiyə isə elə bir durumda idi ki, əksinə, rubla dəstək verməsi lazım idi. Bu səbəbdən inflasiya meydana gəldi”.

Ekspert Türkiyəyə qarşı təxribatların vəziyyəti daha da qəlizləşdirdiyini əlavə edib:

“ABŞ iqtisadiyyatı üçün Türkiyəyə idxal həcmi olduqca kiçik rəqəmlərlə ifadə edilə bilər. Amma Türkiyə üçün ABŞ yönündə ticarət olduqca önəmlidir. Hərbi sövdələşmələr də iqtisadiyyata təsir göstərir. Bir sözlə, qeyd etmək lazımdır ki, ABŞ-Türkiyə iqtisadi savaşı hələ yeni başlayır”.


Paylaş: