ABŞ Prezidenti Donald Tramp impiçment prosesi çərçivəsində ona qarşı ifadə verən administrasiyanın bir neçə nümayəndəsini vəzifəsindən azad edib.

Bu barədə “Associated Press” məlumat yayıb.

Agentlik yazır ki, Milli Təhlükəsizlik Şurasının əməkdaşı Aleksandr Vindman Ağ Evə Dəvət edilərək işdən çıxarıldığı bildirilib. Həmçinin onun qardaşı, Ağ Evin vəkillik xidmətində çalışan Yucin də vəzifəsindən azad edilib.

Onlardan əlavə, ABŞ-ın Avropa Birliyindəki daimi nümayəndəsi Qordon Sandland da vəzifəsindən uzaqlaşdırılıb.

Xatırladaq ki, KİV-də Zelenski ilə Trampın danışıqları zamanı ABŞ-da prezident seçkilərinin gedişinə müdaxilə etməyi nəzərdə tutan təlimat olduğu iddia edilmişdi. Trampın rəqibi Co Baydenin oğlu Hanter Bayden əleyhinə araşdırmalar aparılmasını tələb etdiyi bildirilirdi. Bu səbəbdən də Nümayəndələr Palatası ötən ilin sentyabrın 24-də ABŞ Prezidentinə qarşı impiçment elan etmişdi.

Dekabrın 18-də ABŞ Konqresinin Nümayəndələr Palatası Trampın impiçmenti üzrə iki maddəyə (“Səlahiyyətləri aşma” və “Konqresin işinə mane olma”) səs vermişdi.

Fevralın 5-də Senat Amerika liderinin a impiçment proseduru çərçivəsində hər iki ittiham üzrə bəraət verib.



Paylaş: