Günün əsas müzakirə mövzularından biri də boş qalan yerlərə təkrar seçkilərin nə zaman keçiriləcəyidir. regionxeberlericom.az JAMAZ.İNFO-a istinadən xəbər verir ki, Seçki Məcəlləsinə əsasən boş qalan yerlərə seçkilər keçirilməlidir və bu səlahiyyət MSK-ya aiddir.

Qanunun 172-ci maddəsində bildirilir ki, seçkilər müvafiq seçki dairəsi üzrə etibarsız sayılarsa və seçkilərin yekunları təsdiq edilməzsə, Mərkəzi Seçki Komissiyası (MSK) təkrar seçkilər keçirir.

Xatırladaq ki, indiyə qədər Azərbaycanda keçirilən seçkilərdə dairələrin nəticələrinin ləğv olunması halları dəfələrlə müşahidə olunub. Məsələn, 1995-ci ildə 11 seçki dairəsində, 2005-ci ildə isə 13 seçki dairəsində nəticələr ləğv olunmuşdu. 2015-ci ilin noyabrında V çağırış Milli Məclisə seçkilərdə isə yalnız 90 saylı Ağdaş Seçki Dairəsinin də nəticələri ləğv edilmişdi.

Qanun təkrar seçkilərin hansı müddətə keçirilməsini də tənzimləyir. Belə ki, həmin seçkilərin vaxtını müəyyən etmək dövlət başçısının səlahiyyətindədir və bununla bağlı sərəncam verməlidir. Həmin müddət isə 6 ay nəzərdə tutulur. Yəni, MSK-nın təqdimatı ilə dövlət başçısı 6 ay müddəti ərazində təkar seçkilərin keçirilməsi barədə qərar qəbul edir.

JAMAZ.İNFO bildirir ki, boş qalan yerlərə təkrar seçkilərin keçirilməsi bu ilin may ayına təyin oluna bilər. Bəzi mənbələrdən gələn məlumatlarda deyilir ki, hakimiyyət dairələri ən optimal vaxt kimi may-iyun aylarını düşünürlər.


Paylaş: