İranda parlamentin üzvləri ABŞ-ın İran Silahlı Qüvvələrinin İnqilab Keşikçiləri Korpusunu xarici terror təşkilatları siyahısına salmasına etiraz edib.

regionxeberlericom.az publika.az-a istinadən xəbər verir ki, Milli Məclisin sədri Əli Laricani və millət vəkilləri ABŞ-ın bu qərarına etiraz olaraq toplantıya İnqilab Keşikçilərinin hərbi geyimində gəlib.

Toplantının açılışında çıxış edən spiker bildirib ki, İran ABŞ hökuməti və onun Silahlı Qüvvələri beynəlxalq terrorizmin hərbi və iqtisadi simvoludur.

“ABŞ prezidenti Donald Tramp İŞİD kimi terrorçu qrupların qurulmasında və gücləndirilməsində ABŞ hökumətinin rol oynadığını etiraf edir. İndi isə bunu unutmuş olmalıdır ki, belə bir qərar verir. Tramp, siz ya unutqanlıq xəstəliyinə tutulmusunuz, ya da həddindən artıq düşüncəsizsiniz. Tramp Ər-Riyaddakı toplantıda 100 milyard dollardan artıq vəsaiti oğurladığı üçün iftixar edir. Siz oğru dövlətsiniz və bu medalı öz sinənizə özünüz taxmısınız”.

Qeyd edək ki, ABŞ prezidenti Donald Tramp İran İnqilab Keşikçiləri Korpusunu xarici terror təşkilatları siyahısına daxil edib. ABŞ-ın bu qərarına körfəz bölgəsində ən yaxən müttəfiqi olan Səudiyyə Ərəbistanı da dəstək verir.


Paylaş: