Müxalifətçilər aprelin 28-də hökumətin koronavirusla bağlı tədbirlərinə qarşı onlayn mitinq keçirəcəklər

Rusiyada Konstitusiyaya edilən düzəlişlərinə qarşı çıxış edən "YOX!” ictimai kampaniya aprel ayının 28-də axşam saatlarında öz "YouTube" kanalında "Həyat üçün" adlı onlayn mitinq keçirəcəklər.

Aksiyaya videogörüntü vasitəsilə tanınmış siyasətçilər və ekspertlər, o cümlədən "Dəyişikliklər Partiya”sının keçmiş sədri Dmitri Qudkov, iqtisadçı Sergey Quriyev, "Novaya qazeta" nın xüsusi müxbiri İlya Azar, Moskva şəhər deputatları Yuliya Qalyamina və Konstantin Yankauskas, Pskov parlamentinin deputatı Lev Şlosberq və başqaları qoşulacaqlar.

Təşkilatçılar tərəfdarlarını mitinq mövzusundakı plakatlarla birlikdə şəkillərini də göndərməyə səsləyirlər - onlar yayım zamanı görüntüləcək.

Aksiya iştirakçılarının əsas tələbləri - bölgələrdə həkimlərin bütün ehtiyaclarının təmin edilməsi, karantin rejimindən əziyyət çəkən vətəndaşlara və kişik biznesə birbaşa ödənişlərin verilməsi, həmçinin epidemiya ilə mübarizə zamanı insan haqqlarının qorunmasıdır.

Onlar qeyri-müəyyən vaxta təxirə salınar Konstitusiya islahatlarına da qarşı şüarlar səsləndirəcəklər.

"Hakimiyyət, Vladimir Putinin vəzifədə qalma müddətinin "sıfırlanmasından” tamamilə imtina etməli və bunun əvəzinə mövcud vəziyyət barədə xalqa həqiqəti söyləməlidir", – bunu "Novaya qazeya” nəşrinə aksiyanın təşkilatçılarından olan "Açıq Rusiya"ın mətbuat katibi Konstantin Fomin deyib.


Paylaş: