Zelinskinin hökumətinə keçmiş prezident rəhbərlik edə bilər

Gürcüstanın sabiq prezidenti Mixail Saakaşvili Ukraynada yeni seçilmiş hakimiyyətdə mühüm postlardan birini tuta bilər. Bu barədə yerli mətbuat orqanlarından biri məlumat yayıb.

Həmin məlumatda deyilir ki, Ukraynada keçirilən son prezident seçkilərinin qalibi olmuş Vladimir Zelinski özünə quracağı hökumətdə Saakaşviliyə baş nazir postunu təklif etməyə hazırlaşır. Həmin xəbərə görə, Saakaşviliyə belə bir etimadın göstərilməsinə səbəb heç də Zelinskinin öz istəyi deyil. Belə ki, bunu yeni prezidentdən ona dəstək verən ABŞ siyasi dairələri xahiş ediblər. Daha doğrusu, Zelinskinin hakimiyyətə gəlməsində yardımçı olmuş Qərb bunu, keçmiş prezidentin baş nazirliyi dövründə Ukraynanın daha güclü inkişaf etməsinə yardımçı olacağıyla əsaslandırıblar.


Paylaş: