Sorosun qulu Daniel İoannisyan ABŞ Konqresmenlərindən Ermənistanın Rusiyadan daha müstəqil olmasına kömək etmələrini istədi.

Erməni mediasında bu başlıqda gedən məqalədə bildirilir ki, Ermənistan cəmiyyəti daxilində yeni düşmən tapıb.

Belə ki, “Məlumatlı Vətəndaşlar Birliyi” təşkilatının sədri Daniel İoannisyan müxalif medianın tənqid hədəfinə tuş gəlib. Onu antirusiya təbliğatına görə az qala Vətənə xəyanətdə ittiham edirlər.

Məsələn, Nikol Paşinyanı müharibədən əvvəl yıxıb-sürüyən Politik.am nəşri yazır ki, Sorosun maliyyələşdirdiyi bu təşkilat, onun rəhbəri İoannisyan və agentləri Ermənistan-Rusiya müttəfiq münasibətlərinə o qədər ciddi ziyan vurublar ki, bu gün Dağlıq Qarabağda biyabırçı məğlubiyyətdə onların da payı az deyil.

Daniel İoannisyan isə bu qınağı əsassız hesab edir və bildirir ki, o, heç vaxt anti-Rusiya açıqlaması etməyib. Çünki bir erməni olaraq o və rəhbərlik etdiyi təşkilat anti-rus mövqedə deyil. Daniel sadəcə vurğulayıb ki, o, öz ölkəsini tam demokratik bir ölkə kimi görmək istəyir. Bu isə bəzi qüvvələrin maraqları ilə üst-üstə düşmür. İoannisyan deyib ki, rusları sevir, yalnız Putin onu və digər demokratik düşüncəli erməniləri sevmir.

Məğlubiyyətdən əndişələnən qüvvələr isə Danieli məntiqsiz adlandırırlar:

“İoannisyanın çıxışları məntiqsizdir. Xüsusi ilə son çıxışı. Çünki Ermənistanın Rusiya ilə ittifaqı o düşündüyü kimi Ermənistan dövləti üçün təhlükəli deyil. Amma ABŞ konqresmenləri hesab edir ki, Daniel haqlıdır, bu ittifaq Ermənistanın demokratik ölkə kimi inkiaşfına bir təhdiddir”.


Paylaş: