Jurnalistlər bu günlərdə Qarabağ müharibəsini işıqlandırmalıdır. “BBC Nyus” jurnalistinin Prezidentimizə ünvanlandığı sualların əksəriyyətinin nə Qarabağla, nə müharibənin gedişatı ilə, nə də Azərbaycanın öz düşmən tapdağı altında olan torpaqlarını azad etmə hüququna aidiyyəti var idi. Və bu da Orla Qerinin (sözügedən jurnalist) qeyri-peşəkarlığından irəli gəlir.
Bu sözləri Fərhad Mehdiyev Azərbaycan Respublikasının Prezidenti İlham Əliyevin “BBC Nyus”a müsahibəsi zaman jurnalistin qərəzli yanaşmasını təhlil edərkən söyləyib.
Professor jurnalistin qərəzli mövqeyinin erməni lobbisinin təzyiqi nəticəsində meydana gələ biləcəyini istisna etməyib:
“Querinin qərəzli mövqenin səbəblərindən biri erməni lobbisinin təzyiqi də ola bilər. Mən isə hesab edirəm ki, jurnalist diqqətçəkici müsahibə ərsəyə gətirərək, bir növ şou yaratmaq istəyib, amma peşəkarca yanaşmayıb. Onun Prezident İlham Əliyevə ünvanlandığı suallar müsahibə məzmunundan kənardır”.

F.Mehdiyev qeyd edib ki, Orla Querinin davranışı Azərbaycanın bu günlərdə apardığı legitim Vətən müharibəsinə kölgə salmaq cəhdindən başqa bir şey deyil:
“Azərbaycana öz torpaqlarını azad etmək haqqını beynəlxalq hüquq verir. Biz hətta onların bir hissəsini həyata keçirmirik. Belə ki, beynəlxalq hüquqa görə, biz Ermənistan ərazisinə, onların müdafiə qabiliyyətini zəiflətmək və sülhə məcbur etmək məqsədi ilə daxil ola bilərik. Bununla biz Ermənistan tərəfindən öz ərazilərimizə raket və top atışının qarşısını ala, neytral zona yarada və Ermənistanı sülh imzalamağa məcbur edərik”.


Paylaş: