“Rusiya sülhmərmalı qüvvələrinin Dağlıq Qarabağda silahlı erməni birləşmələrini ərazilərdən çıxarmaması lokal hərbi əməliyyatların keçirilməsini zəruri edir”.
Bu sözləri politoloq Məhəmməd Əsədullazadə deyib. Analitik bildirib ki, Rusiyanın planı silahlı erməni birləmələrindən Azərbaycana qarşı təzyiq vasitəsi kimi istifadə etmək və bir neçə məntəqəni nəzarət altına almaqdır:

“Xocavəndin iki kəndinin xəritəyə alınması bu planın tərkib hissəsi idi. Azərbaycan təhlükəsizlik oraqanlarının xüsusi əməliyyatı nəticəsində silahlı erməni birləşmələri məhv edildi.

Rusiya sülhməramlı qüvvələrinin çirkin planının qarşısı qətiyyətlə alındı. Rusiyanın tərtib etdiyi xəritə dəyişdirildi və Azərbaycan ordusu daha irəli gedərək Şuşa ətrafında təhlükəsizliyi təmin etdi.

Hərbi əməliyyatlara Rusiya qarışa bilməz. Onların görməli olduğu işi Azərbaycan hərbiçiləri edir. Biz bilirdik ki, Rusiya "sülhmərmalıları" erməni silahlı birləşmələrinə təzyiq etməyəcək, hətta onlara lojistik dəstək verəcək. Azərbaycnın qətiyyətli addımları, artıq onların planının üstündən xətt çəkir. Bura nə Donbas, nə Abxaziyadır.

Kəlbəcərdən tutmuş, Xocavənd, Agdam və Laçın istiqamətindən bütün silahlı qüvvələri mühasirədə saxlamaq lazımdır. Rusiya Dağlıq Qarabağa öz maraqlarını təmin etmək üçün gəlib.

Türkiyə müdafiə naziri Hulusi Akarın verdiyi mesaj məhz Rusiyaya ünvanlanmışdı. Türk ordusu Azərbaycandadır və istənilən vaxt Şuşada görünə bilər”.


Paylaş: