Hazırda BQR olmaq üçün ən çox adı hallanan şəxslər Ayaz Həsənov, Kərim Vəliyev, Nizam Osmanov, Heydər Piriyev, Kərəm Mustafayev, Hikmət Mirzəyev, Hikmət Həsənov və Mais Bərxudarovdur.

Fikrimcə, Müdafiə Nazirliyində vəzifə tutmuş şəxslərdən heç biri bu vəzifəyə gətirilməməlidir. Səbəb çox sadədir. Bəziləri qruplaşmada olub, bəziləri də kreslosun qorumaq üçün nə ət olub, nə də balıq. Rusiya faktorunu da nəzərə almaq lazımdır.
Kərəm Mustafayevə gəldikdə Naxçıvanda gördüyü işlər göz qabağındadır. Disiplin, nizamnamə üst səviyyədədir. Nizamnamədən qorxanlar Naxçıvana cəhənnəm kimi baxırlar. Məsələ ondadır ki, orduda hər şeydən öndə nizamnamə gəlir.
Hikmət Mirzəyevin rəhbərlik etdiyi XTQ müharibədə nələr etdiyinin bir neçə faizini bilirik. Dostlarla da söhbət edəndə Hikmət Mirzəyev BQR gəlsə ordunu XTQ edəcək deyirik. Təbii ki, ordu peşəkar orduya çevrilərsə. Hər əsgərin fiziki gücü və dayanıqlılığı eyni deyil.

Hikmət Həsənov müharibə vaxtı daha çox səbrli, təmkinli, çox ölçüb-biçən təsiri bağışladı. Ərazisinin bir hissəsi sırf müdafiədə idi. Bəzi yerlərdə problemlər də oldu. Əslində çox fərqli nəticələr gözlənilirdi.
Mais Bərxudarov dəli-dolu təsiri bağışladı. Əlində imkan olsaydı qərargahda oturmaz, gedib öndə döyüşərdi. Bir neçə dəfə də hərəkət etmişdi.

Hər iki general bir sistemin parçası olduğu üçün tənqid ediləcək tərəflərinə hələki toxunmuram. Hər iki general Naxçıvandakı kimi bəzilərinin təsir dairəsində olmasaydı hərəkətlərinə onda daha dəqiq qiymət vermək olardı. İndi deyiləcək hər problemlə bağlı MN-i göz önünə almasaq olmur.
BQR məsələsində əslində ortada Rusiya və Türkiyə faktoru da var.

Əsas məsələ Azərbaycan dövlətinin necə bir ordu istəməyidir. Eyni sistem davam edəcəksə, baş sındırmağa gərək yoxdur. Heç Hikmət Mirzəyev və Kərəm Mustafayevin yerindən tərpənməsini də istəmərəm. Yox, əgər sistemə əl gəzdiriləcəksə, köklü islahata ehtiyac olacaq.

www.yenicag.az


Paylaş: