Qondarma Dağlıq Qarabağın keçmiş və hazırkı liderləri Arkadi Qukasyan və Bako Saakyan Ermənistanın ikinci Prezidenti Robert Koçaryanın həbsdən azad edilməsi üçün verdikləri vəddən sonra hər iki tərəf arasında gərginlik yüksəlib.
“Qraparak” qəzeti yazır ki, eks-Prezident Serj Sarkisyan Ermənistan və Qondarma Dağlıq Qarabağın hakimiyyət orqanları arasında münasibətlərin mümkün dərəcədə artmasına mane olmağa çalışır.
Nəşr qeyd edir ki, Sarkisyan son həftələr Azərbaycanın Ermənistan tərəfindən işğal edilmiş ərazilərində olub və oranın keçmiş və indiki yüksək vəzifəli məmurlarını mümkün düşüncəsiz addımlardan imtinaya çağırıb. Belə ki, o, hazırda tərəflər arasında vasitəçi rolunda çıxış edir.
Xatırladaq ki, R. Koçaryan 2008-ci ilin 1-2 mart hadisələrinə görə həbs edilmişdi. O, konstitusiya quruluşunu devirməyə cəhddə ittiham olunurdu. 
Eks-Prezident sərbəst buraxıldıqdan sonra Baş Nazir Nikol Paşinyanın çağırışı ilə vətəndaşlar bütün məhkəmələrin giriş-çıxışını bağlamış, daha sonra yenə onun çağırışı ilə bloklanmış məhkəmələrə girişi bərpa etmişdilər.


Paylaş: