May ayının 20-si ərəfəsində Türkiyə prezidenti Rəcəb Tayyib Ərdoğanın Şuşaya səfəri gözlənilir.

Türkiyə prezidenti özü də açıqladığı kimi kimi Ramazan bayramından sonra Qarabağa səfər edəcək.

R.T. Ərdoğanın səfəri zamanı mühüm təməlqoyma mərasimlərinin olacağı gözlənilir.

Qardaş ölkənin rəhbəri Şuşa səfəri ilə bağlı açıqlamasında Ramazan bayramından sonra Şuşada yenidən bayram yaşamaq istədiyini vurğulayıb:
"Başda İlham Əliyev olmaqla bütün azərbaycanlı qardaşlarımı Dağlıq Qarabağdakı qələbə münasibətilə özüm və millətim adından təbrik edirəm. 44 gün davam edən müharibədən sonra 30 illik işğal sona çatdı və Dağlıq Qarabağ yenidən vətəni qucaqladı. Dağlıq Qarabağ bölgəsindəki 67 məsciddən 63-ü dağıdıldı. Bundan əlavə kilsələr dağıdıldı. Bütün bunlara əlavə olaraq, 1918-ci ildə azərbaycanlı qardaşlarımızın başına gətirilən qətliamın anıldığı 31 martı, Xocalı qətliamını anmalıyıq.

Qarabağdakı türk abidələrinin qorunması və dirçəldilməsi üçün bütün imkanlarımızla Azərbaycanın yanında olmağımız vacibdir. Eynilə, bu addımı atarkən, bütün qaçqın soydaşlarımızın bu bölgəni yüksəldərək Azərbaycana qayıtmasına böyük əhəmiyyət verirəm. Ümid edirik ki, Ramazan bayramından sonra ən qısa müddətdə Şuşanı ziyarət edəcəyik və Şuşadakı qardaşım İlham Əliyevlə birlikdə yeni bir bayram yaşayacağıq”. (modern.az)


Paylaş: