NATO vahid blokla Çinə qarşı sistemli şəkildə qarşı duracaq və onunla soyuq müharibə aparmayacaq.

Bu barədə iyunun 14-də NATO-nun Baş katibi Yens Stoltenberq alyansın sammitinin açılışından əvvəl bəyan edib.

«Heç bir NATO ölkəsi təkbətək Çin tərəfdən qaynaqlanan təhlükəsizlik çağırışlarına qarşı dura bilməz. Ona görə də alyans ilk dəfə Pekinə münasibətdə vahid mövqe elan edəcək» - o, qeyd edib.

Bu zaman, Stoltenberqin sözlərinə görə, alyans Çin Xalq Respublikasına (ÇXR) qarşı soyuq müharibəyə başlamaq niyyətində deyil və qarşılıqlı maraq doğuran məsələlərdə Çinlə əməkdaşlığa hazırdır - silahlar üzərində nəzarət də daxil olmaqla. NATO Çinə sistemli rəqib kimi baxacaq, amma onu düşmən hesab etməyəcək.

«Biz, Çinin hərbi gücünün, qorxunc davranışının sürətlə artdığını görürük. Çin bizim dəyərləri bölüşmür, yeni texnlogiyalardan geniş istifadə edir - Baş katib təsdiqləyib - Biz, Çinin yaxınlaşdığını görürük, onun dünyadakı təsirinin artmasını, onun ticarət və texnoloji imkanlarını, Arktikaya marağının artdığını görürük».

Buna qədər, Almaniyanın Marşall fondundakı çıxışında Stoltenberq qeyd edib ki, NATO-nun hazırkı Strateji konsepsiyasında Çin bircə kəlmə ilə də xatırladılmayıb.

«Çin ilk dəfə alyansın Londondakı yekun sammitində, 2019-cu ildə xatırladılıb, ancaq bu gün ilk dəfə sammit birbaşa NATO-nun Pekin tərəfdən qaynaqlanan təhlükəsizlik çağırışlarına cavab vermyə hazır olduğunu bəyan edir» - Baş katib deyib.


Paylaş: