Rusiya sülhməramlıları ermənilərin Azərbaycanın Qarabağ bölgəsindən kütləvi şəkildə çıxmasının qarşısını almağa çalışırlar.

KOKNRET.az xəbər verir ki, sülhməramlılar ermənilərin Qarabağdan kütləvi köçünün qarşısını almaq üçün hər yola əl atırlar. Əvvəl işğal etdikləri Azərbaycan torpaqlarında məskunlaşan ermənilər, Vətən müharibəsindən sonra Ermənistana qayıtmaq istəyirlər. Çünki Qarabağın onlara aid olmadığını başa düşürlər.

Rusiya sülhməramlılarının ermənilərə öz ölkələrinə geri (Ermənistana) qayıtmağa icazə verməməsi Laçın dəhlizi vasitəsi ilə hərəkətdə olan iki erməninin söhbətindən aydın olub.

YOUTUBE –də yayımlanan videoda Jurnalist Narine Kirakosyan və avtomobil sürücüsünün 44 günlük müharibədə Ermənistanın məğlubiyyətini, həmçinin ölkədə hakimiyyət uğrunda mübarizəni müzakirə etdiyi görüntülənib. Onların söhbətlərindən məlum olub ki, Azərbaycanın Dağlıq Qarabağ bölgəsində yerləşən rus sülhməramlıları erməniləri yenidən Qarabağa qayıtmağa məcbur edirlər.

“Rusiyalı sülhməramlıları bizə geri qayıtmalı olduğumuzu deyirlər. Əks halda Azərbaycan sülhməramlıların Qarabağdan çıxmasını tələb edəcək. Çünki ermənilər Qarabağdan gedərsə, sülhməramlıların kimisə qorumasına ehtiyac qalmayacaq. Bu səbəbdən geri dönmək məcburiyyətindəyik” –deyə Narine Kirakosyan vurğulayıb.




Paylaş: