Regionxeberlericom.az » Siyasət » Ter-Petrosyanın Xankəndində Köçəryanla Qarabağa dair gizli razılaşması… - İLGİNC FAKT

Ter-Petrosyanın Xankəndində Köçəryanla Qarabağa dair gizli razılaşması… - İLGİNC FAKT

Ermənistanın birinci prezidenti Levon Ter-Petrosyanın Xankəndində Qarabağdakı separatçı rejim rəhbərliyi qarşısında İrəvanın ATƏT-in Minsk qrupunun nizamlaması çərçivəsində danışıq aparan tərəf kimi bütün funksiyaları öz üzərinə götürməsinə dair gizli razılaşmanın mətnini oxuduğu tarixi video-görüntülər üzə çıxıb.

Moderator.az xəbər verir ki, bəhs edilən video sosial şəbəkələrin erməni seqmentində paylaşılıb.

Məlum olur ki, həmin vaxt Ermənistan sözügedən razılaşmanın əvəzində separatçılara “ikinci Ermənistan respublikası”nın erməni əhalisinin tam təhlükəsizliyinin təminatını vəd edib.

Üstəlik, Ermənistan gələcəkdə Laçın dəhlizinin Azərbaycana geri verilməyəcəyi və separatçı rejimin “müdafiə ordusu”nun dağılmayacağı vədini də öz üzərinə götürüb.

Bu görüntülər separatçı-terrorçu rejim rəhbərliyinin 1993-cü ilin yayında Kəlbəcər rayonunu Azərbaycana qaytarmaqdan imtina etməsindən sonra Ter-Petrosyanın Xankəndinə səfəri zamanı çəkilib. O zaman rəsmi Ankara da İrəvana təzyiq edərək blokada ilə hədələyirdi.

Tədbirdə Ermənistanın terrorçu eks-prezidenti prezidenti Robert Köçəryan da iştirak edib. Həmin vaxt o, “DQR” müdafiə komitəsinin rəhbəri olub.

VİDEO BURADA:
https://vk.com/video-17452458_456247845

Paylaş:

Müəllif :

Fuad

Tarix:

26-07-2021, 09:52

Sikayət