ABŞ-ın sabiq prezidenti Donald Trampın keçmiş müşaviri Stiv Bennon həbs olunub.

Bennon qanunverici orqana hörmətsizlikdə ittiham edilib.

Sabiq müşavirə qarşı bu ittiham Konqress komissiyasına ifadə verməkdən imtina etdiyi üçün irəli sürülüb.

Bildirilib ki, Kapitoliyə hücum işini araşdıran Federal Təhqiqatlar Bürosu (FBI) tərəfindən həbs olunan keçmiş müşavir məhkəmə qarşısına çıxarılacaq.

Bennon isə Trampa arxayın olaraq istintaqla əməkdaşlıq etməkdən boyun qaçırıb.