Azərbaycan Ordusunun Qubadlı istiqamətində mövqe dəyişikliyi etdiyinə dair məlumat yayılıb. JAMAZ.İNFO xəbər verir ki, Ermənistanın ombudsmanı Arman Tanoyan iddia edib ki, bir neçə gün əvvəl əsgərlərimiz Çakaten kəndinin yuxarısında yerləşən təpədə özünə post qurub.

Onun sözlərinə görə, Çakaten kəndinin ən son nöqtəsində yerləşən həmin hündürlük bütün ərazini nəzarətdə saxlamağa imkan verir. Tanoyan bildirib ki, Azərbaycan Ordusunun həmin yüksəklikdə qərarlaşmasından sonra təpənin ətəyindəki bir neçə evin sakini oranı tərk etmək məcburiyyətində qalıb. Bundan başqa, kəndə çəkilmiş 2 km uzunluğunda su xətti də artıq Azərbaycanın nəzarətindədir. Lakin o, su xəttinin bağlanmadığını deyib. Amma Çakaten sakinləri qorxularından həmin sudan içmirlər və kəndin aşağı hissəsindəki bulaqdan özləri üçün su gətirirlər.

Təpənin ətəyindəki evlərdən birinin sakini Qorq Avaqyan deyib ki, Azərbaycan əsgərləri təpənin üzərində hərbi post və qüllə qurduqdan sonra yaşadığı yeri tərk edib. Buna səbəb isə Ordumuzun əsgərlərini özü və ailəsi üçün təhdid görməsidir. Hərçənd özü də etiraf edir ki, indiyə qədər Azərbaycan əsgərləri onlara qarşı hər hansı bir yanlış hərəkət etməyib. “Onlar bizi nə qorxudublar, nə də təzyiq ediblər. Amma biz onlara etibar etmirik. Gecənin bir vaxtı gəlib, evimizə girərələr deyə, oranı tərk etdik”.

Xatırladaq ki, Azərbaycan tərəfi bir müddət əvvəl Çakaten kəndindən Gorusa gedən yolun üzərində nəzarət-buraxılış məntəqəsi qurub. Belə ki, bundan sonra Gorusa getmək istəyən ermənilər həmin postda rüsum edərək, istəklərini reallaşdıra bilərlər. Çakatenin Gorus və Qafana çıxışı olan altrernativ yolu var. Lakin həmin yol torpaqdan olduğundan qışda keçilməz olur.

P.S. Əslində ermənilərin türk adı gələndə qorxmaları, nə 1915-ci il uydurma hadisələri ilə bağlı deyil. Onlar yaxşı bilirlər ki, illərdir Azərbaycan xalqına böyük bir zülm ediblər. Onlar əla anlayırlar ki, Xocalıda soyqırım törədiblər. Məhz ona görə qorxurlar ki, Azərbaycan Ordusu həmin qisası ermənilərdən alar. Lakin Azərbaycan əsgəri və xalqı soyqırımçı deyil. Əgər belə bir niyyət olsaydı, 44 günlıük müharibədə bir mülki ermənini sağ buraxmazdı. Elə bircə, Xankəndi-Kəlbəcər-Zod yolundakı mülki şəxslər qaçan zaman avtomobil karvanını atəşə tutsaydı, yüzlərlə ermənini öldürə bilərdi. Amma bunu ermədi. Çünki biz qatil deyilik. Getdiyimiz yerlərə də həmişə əmin-amanlıq aparmışıq.