“Rusiya ilə NATO, Rusiya ilə Ukrayna arasında əlaqələr gərgindir. Amma Rusiya ilə hərtərəfli münasibətlərimiz var deyə, Ukrayna ilə yaxın əlaqələrimizi də heçə saymamalıyıq”.

APA-nın yerli bürosunun xəbərinə görə, bunu Türkiyənin xarici işlər naziri Mövlud Çavuşoğlu Beynəlxalq Əlaqələr Şurası Assosiasiyasının təşkil etdiyi Beynəlxalq Təhlükəsizlik Akademiyasında yekun çıxışında deyib.

Hazırda dünya diplomatiyasında bu kimi çox sayda çətin vəziyyətlərin olduğunu bildirən Çavuşoğlu qeyd edib ki, Türkiyə regionda düzgün diplomatiya ilə hərəkət edir: “Qafqazda, Suriyada, Şərqi Aralıq dənizində, Kiprdə də öncə diplomatiya dedik. Diplomatiyanın bitdiyi yerlərdə döyüş meydanına girdik. Türkiyənin qətiyyəti ölkənin milli gücünü və bütün dünyada nüfuzunu artırıb”.