ABŞ Prezidenti Co Bayden “DXR” və “LXR”in “müstəqilliyi”nin Rusiya tərədindən tanımasına cavab olaraq yeni sanksiyalara dair fərman imzalayıb.

Bu barədə Ağ Ev məlumat yayıb. Bildirilib ki, Co Bayden Rusiya tərəfindən müstəqil olaraq tanınan şərqi Ukraynanın iki separatçı regionu ilə ABŞ fiziki şəxsləri arasında ticarət və investisiyaları qadağan edən fərman imzalayıb.

Qeyd olunub ki, buraya harada yerləşməsindən asılı olmayaraq “yeni investisiya”nın qoyulması və “qapalı regionlardan hər hansı mal, xidmət və ya texnologiyanın birbaşa və ya dolayı yolla Birləşmiş Ştatlara idxalı” da daxildir.