Ukraynanın xarici işlər naziri Dmitri Kuleba deyib ki, əgər Rusiya Ukraynaya qarşı nüvə silahından istifadə edərsə, bu, “dünya üçün fəlakət” olacaq.

BBC xəbər verir ki, onun şərhi Rusiya prezidenti Vladimir Putinin Rusiya hərbçilərinə nüvə qüvvələrini “xüsusi döyüş hazırlığı” vəziyyətinə gətirmək əmrindən sonra gəlib:

“Prezident Putinin bu əmri iki ölkənin nümayəndə heyətinin görüşməyə hazır olması ilə bağlı qərardan sonra gəldi.

Biz bu elanı və ya bu sərəncamı riskləri artırmaq və Ukrayna nümayəndə heyətinə əlavə təzyiq göstərmək cəhdi kimi görürük.

Lakin biz bu təzyiqlərə boyun əyməyəcəyik. Biz bu danışıqlara çox sadə yanaşma ilə yanaşacağıq. Biz oraya Rusiyanın dediklərini dinləmək üçün gedirik və bütün bunlar haqqında nə düşündüyümüzü onlara deyəcəyik".