Gürcüstan və Rusiya hökumətləri Tiflisdə yaranan situasiyadan çıxış yolu tapmalıdırlar.

 Bunu “İmedi” televiziyasına müsahibəsində Rusiya Xarici İşlər nazirinin müavini Qriqori Karasin deyib.

“Biz Cenevrədə eskalasiya yox, çox məsələlərlə bağlı fikir mübadiləsi aparmaq, güc tətbiq etməmək haqqında sənədi müzakirə etmək üçün yığışmışıq. Biz bir-birimizi baş düşməyə çalışır, hansısa formada yaranan situasiyadan çıxmağa cəhd edirik. Bu situasiya bizim münasibətlərimiz üçün arzuolunmazdır”, – deyə o bildirib.

O, Gürcüstandan baş verənləri daxili siyasi problem sayıb və onun antirusiya müstəvisinə keçməməli olduğunu deyib:

“Gürcüstanda seçki yaxınlaşır, siyasi mübarizə gedir. Biz bunu çox yaxşı bilirik, amma istəmirik ki, bu, antirusiya gərginliyi fonunda baş versin. Biz bundan qaçmalıyıq”.


Paylaş: