“Qərbin Ukraynaya verə biləcəyi ən yaxşı silah tank əleyhinə silahlar və zenit qurğularıdır, “Miq-29”-lar yox”.

Bunu ABŞ-ın Avropadakı Silahlı Qüvvələrinin komandanı, general Tod Uolters CNN-ə açıqlamasında deyib.

Uolters deyib ki, Ukrayna ordusu əlində olan tank əleyhinə silahlar və zenit qurğularından məharətlə yararlana bilir.

Amerikalı general bildirib ki, Ukraynanın ixtiyarında kifayət qədər təyyarə var və onların çoxaldılması hava məkanında elə bir üstünlük qazandırmayacaq. Əvəzində, Ukraynaya sözügedən təyyarələrin verilməsi Rusiya üçün bəhanə olar və eskalasiyanı daha da artıra bilər. Ona görə də, generalın fikrincə, Ukraynaya daha çox hava müdafiə sistemləri və tank əleyhinə qurğular verilməlidir.