Putin rejiminin Ukraynaya təcavüzü başlayandan az sonra Moskva və bütün Rusiya patriarxının xüsusi nümayəndəsi, silahlı qüvvələr və qüquq-mühafizə orqanları ilə əməkdaşlıq üzrə sinodal departamentin sədri, yepiskop Bronnitski Savvati Laçındakı dövlət sərhədimizdən keçərək Qarabağa səfər edib.

Moderator.az xəbər verir ki, bu haqda erməni mediası məlumat yayıb.

"Bu hadisə haqlı olaraq tarixi hesab oluna bilər”, – deyə Qarabağın qondarma "rus icması"nın rəhbəri Aleksandr Bordov bildirib.

Bordovun vurğuladığı kimi, bu, Rusiya pravoslav kilsəsinin belə yüksək rütbəli ruhanisinin Qarabağa ilk səfəridir.

O, əlavə edib ki, yepiskopun gəlişi Qarabağdakı dindarlara Rusiya Federasiyasının "sülhməramlı" qüvvələrinin "özləri ilə gətirdiyi sülhün bu torpaqda qorunub saxlanacağına ümid verib".

VİDEO BURADA: https://vk.com/video-17452458_456249400

Qeyd edək ki,Rusiya pravoslav kilsəsinin rəsmi saytındakı məlumatdan bəlli olur ki, Rusiya keşişi Azərbaycan torpağındakı ermənilərlə görüşüb geri döndükdən az sonra Rusiyanın patriarxı - baş keşişi Kiril onu qəbul edərək xeyli söhbət edib...