Böyük Britaniyanın Xarici İşlər naziri Elizabet Trass Ukrayna ilə Rusiya arasında davam edən danışıqlara skeptik yanaşdığını bildirib.

“AzPolitika.info” xəbər verir ki, “The Times”-a danışan nazir Rusiyanın bu danışıqlardan öz hərbi qüvvələrinin yenidən qruplaşdırılması və hücuma hazırlanması üçün istifadə etdiyi qənaətindədir: “Onlar danışıqlara ciddi yanaşsaydılar, danışıqlar günü dinc əhalini xaotik şəkildə bombalamazdılar. Bizim gördüyümüz rusların öz qüvvələrini yenidən qruplaşdırmaq üçün mühit yaratmaq cəhdidir. Biz rus qoşunlarının çıxarılmasını, yaxud danışıqlar masasında ciddi təkliflər görmürük. Ruslar yalan deyiblər və deyəcəklər də. Qorxuram ki, bu danışıqlar növbəti dəfə diqqəti yayındırmaq və duman pərdəsi yaratmaqdır”.