Azərbaycan silahlı qüvvələri Rusiya sülhməramlı kontingentinin Qarabağ ərazisində yerləşdiyi zonaya daxil olaraq, “Bayraktar TB-2” tipli pilotsuz uçuş aparatı ilə Ermənistan silahlı birləşmələrinin həmin ərazidəki bölmələrinə dörd zərbə endirib. 

TASS xəbər verir ki, bu barədə Rusiya Müdafiə Nazirliyi xəbər yayıb. “Azərbaycan Respublikasının silahlı qüvvələri martın 24-dən 25-dək Rusiya, Azərbaycan və Ermənistan liderlərinin 9 noyabr 2020-ci il tarixli üçtərəfli bəyanatının müddəalarını pozaraq, Rusiya sülhməramlı kontingentinin yerləşdiyi zonaya daxil olub. Hazırda Rusiya sülhməramlı kontingentinin komandanlığı vəziyyətin həlli və qoşunların ilkin mövqelərinə qaytarılması üçün tədbirlər görür. Qoşunların çıxarılması üçün Azərbaycan tərəfinə müraciət göndərilib", - deyə bəyanatda bildirilir.