“Ümumiyyətlə, son vaxtlar Rusiya tərəfdən belə bəyanatların səslənməsi təəssüf hissi doğurur. Qeyd etmək lazımdır ki, elə Mixail Delyaqin kimi deputatların verdiyi bəyanatlar və bu bəyanatlarda kütləvi informasiya vasitələri , sosial şəbəkələrin də istifadə edilməsi Rusiya cinayət məcəlləsinin müvaviq maddələrinə də ziddir”.Deputat, Milli Məclisin Müdafiə, təhlükəsizlik və korrupsiyaya qarşı mübarizə komitəsinin üzvü Arzu Nağıyev bu fikirləri Musavat.com-a, Rusiya Dövlət Dumasının komitə sədrinin müavini Mixaiı Delyaginin təxribatçı çıxışına reaksiyasında biıdirdi. Deputat bildirdi ki, milli və irqi ayrı-seçkilik, separat danışıqlar deputata yaraşmayan hərəkətlərdir: “Məlumdur ki, “Rossiya 1” telekanalındakı “60 dəqiqə" (“60 minut”) proqramı və onun aparıcıları Olqa Skabeyeva və Yevgeni Popov həmişə ermənipərəst mövqeləri ilə daim Azərbaycana qarşı təbliğat aparıblar. Rusiya Dövlət Dumasının iqtisadi siyasət komitəsinin sədr müavini olan Delyaqin də rupor kimi məhz bu proqramdan istifadə edir.

Məlumdur ki, deputa öz fikrini bildirə bilər, lakun bu fikirlər iki dövlət arasında onun unutduğu strateji tərəfdaşlığa, imzalanan bəyanata ziddirsə, artıq onunla ilk növbədə Rusiyanın Dövlət Duması, hüquq mühafizə orqanları, bir sözlə, hakimiyyət dairələri məşğul olmalıdırlar və göstərməlidirlər ki, bu dövlətin mövqeyi deyil. Təbii ki, Azərbaycan tərəfinin də mövqeyi birmənalı şəkildə olacaqdır, bu istər nota şəklində, istərsə də digər irad formasında bildirləcəkdir”.