Rusiya Federasiyasının Ukraynadakı “xüsusi hərbi əməliyyatı” fonunda Qərb ölkələrinin fəaliyyəti birbaşa Rusiya və ABŞ hərbi qarşıdurmasına gətirə bilər.

Bu barədə “RİA Novosti”nin xəbər verdiyi kimi, Rusiyanın Vaşinqtondakı səfiri Anatoli Antonov «Newsweek» nəşrinə bəyan edib.

O, qeyd edib ki, Qərb dövlətləri Ukraynanı silah və sursatla təmin etməkdə davam edirlər, bununla da gələcəkdə qan tökülməsini mümkün edirlər.

«Biz, xəbərdarlıq edirik ki, belə fəaliyyət təhlükəlidir və təxribat xarakterlidir, belə ki, onlar bizim dövlətimizə qarşı yönəlib» - Antonov dəqiqləşdirib və əlavə edib ki, bu hərəkətlər ABŞ və Rusiyanı birbaşa hərbi qarşıdurmaya gətirə bilər.