İsveçin xarici işlər naziri Ann Linde NATO-ya üzvlük ərizəsini imzalayıb.

Bu barədə “STV” məlumat yayıb.

“Bu, böyük, ciddi bir şeydir və İsveç üçün ən yaxşı olduğunu düşündüyümüz yerə çatdıq”, - Linde deyib.

O xatırladıb ki, İsveçin NATO-ya müraciəti Finlandiyanın müraciəti ilə birlikdə təqdim olunacaq.

Linde sənədin baxılması və ratifikasiyasının bir ilə qədər vaxt aparacağını gözlədiyini bildirib.

Qeyd edək ki, İsveçin Şimali Atlantika Alyansına üzvlük üçün müraciət edəcəyi barədə qərar bazar ertəsi krallığın hökuməti tərəfindən qəbul edilib.