Rusiya 25 ABŞ vətəndaşına, həmçinin ABŞ prezidenti Co Baydenin ailə üzvlərinə sanksiya tətbiq edib.

Bu barədə Rusiya Xarici İşlər Nazirliyinin ABŞ vətəndaşlarına qarşı şəxsi sanksiyaların tətbiqi ilə bağlı bəyanat yayıb.

“ABŞ-ın Rusiyanın siyasi və ictimai xadimlərinə qarşı durmadan genişlənən sanksiyalarına cavab olaraq, senatorların rusofob kursunun formalaşmasına cavabdeh olanlar arasından 25 Amerika vətəndaşı, Rusiya əleyhinə məhdudiyyətlərlə bağlı tövsiyələr hazırlayan qondarma Makfol-Yermak qrupunun üzvləri, həmçinin prezident Co Baydenin ailə üzvləri stop-listə daxil edilib”, - bəyanatda bildirilib.

Belə ki, bu siyahıya ABŞ prezidentinin həyat yoldaşı Cil Bayden və qızı Eşli Bayden də daxildir.