Avstraliyanın baş naziri Entoni Albanese Ukraynaya daha çox hərbi yardım edəcəyinə söz verib.

68 milyon dollar dəyərində olan yardım paketinə pilotsuz təyyarələr və 34 əlavə zirehli maşın daxildir.

Qeyd edək ki, açıqlanan əlavə yardım Avstraliyanın Ukraynaya ümumi yardımını təxminən 390 milyon dollara çatdırır.

Albanese həmçinin, ölkəsində daha 16 rusiyalı nazir və oliqarxa qarşı sanksiyalar və səyahət qadağaları və Rusiya qızılının idxalına məhdudiyyət qoyulduğunu açıqlayıb.

Xatırladaq ki, baş nazir bazar günü Kiyevdə prezident Volodimir Zelenski ilə görüşüb.

O, daha əvvəl xarabalığa çevrilmiş Buça və İrpin şəhərlərini gəzərək, gördüklərini "müharibə cinayəti" kimi təsvir edib.