Rəsmi Bakı hazırda Ermənistan sərhədləri daxilində qalan Azərbaycanın maddi-mədəni irsinin qorunması istiqamətində hərəkətə keçdi.

İrəvan və şəhərin Təpəbaşı məhəlləsi ilə bağlı UNESCO-ya ünvanlanan müraciətin məqsədi də budur.

Bu addımın birdən çox əhəmiyyəti var.

Birincisi, Ermənistan ərazisində Azərbaycanın maddi-mədəni irsinin məhv edildiyi faktı beynəlxalq ictimaiyyətin diqqətinə təqdim olunur;

İkincisi, Qarabağda “erməni irsi”nin dağıdıldığı iddiasına qarşı erməni vandalizmi faktı irəli sürülür;

Üçüncüsü, bölgəyə missiya göndərməyə hazırlaşan və daha çox qondarma “erməni irsi” iddiasına üstünlük verən UNESCO fakt qarşısında qoyulur;

Dördüncüsü, İrəvanın Azərbaycanın tarixi şəhəri olması faktı mədəni siyasətlə beynəlxalq aləmdə aktuallaşdırılır.

Bu gediş maddi-mənəvi irsimizin qorunması ilə yanaşı, Azərbaycan-Ermənistan sülh müqaviləsinin imzalanması prosesində İrəvanın iddialarına qarşı Bakının əlinin güclənməsinə imkan verəcək amildir.

Asif Nərimanlı