Zabux, Sus kəndlərində, eləcə də Laçın rayonunun mərkəzində qanunsuz məskunlaşan ermənilərin əksəriyyəti artıq bu yaşayış məntəqələrini tərk ediblər. 

RegionXəbərləricom.az haqqin.az-a istinadən xəbər verir ki, Rusiya sülhməramlılarının nəzarəti altında olan Azərbaycan ərazilərində cəmi bir neçə ailə qalıb, qalanları Ermənistanın müxtəlif rayonlarına gedib.

“Laçın administrasiyası” adlanan qurum ermənilərə avqustun 20-dək yaşayış məntəqələrini tərk etməyi əmr edib. Mülkünü vaxtında köçürməyə vaxt tapmayan ailələrə köçmək üçün daha 5 gün - avqustun 25-dək vaxt verilib. O da bildirilir ki, erməni sakinlərinin tərk etməli olduqları bütün yaşayış məntəqələrinin artıq elektrik enerjisi və rabitə xətti kəsilib.

Xatırladaq ki, 44 günlük müharibədən sonra Sus kəndində dörd-beş ailə qalıb, onlar artıq kəndi tərk ediblər və hazırda sakinlərin 90 faizi Laçını və Zabux kəndini tərk edib. Laçından üç, Zabuxdan isə beş ailə Rusiya sülhməramlılarının nəzarətində olan Azərbaycan ərazilərində qalmağa qərar verdilər - onlara Xankəndinə yerləşdiriləcəkləri söz verildi.

Özünü “Laçın Administrasiyası”nın rəhbəri kimi təqdim edən Muşeq Alaverdyan avqustun 25-dək şəhərin Azərbaycanın nəzarətinə veriləcəyini bildirib. Alaverdyanın isə özünü “Zabux kənd administrasiyasının” başçısı adlandıran “həmkarı” Andranik Çauşyan bildirib ki, o, artıq ailəsini köçürdüyü Xankəndində müvəqqəti məskunlaşmaq niyyətindədir.

"Hazırda Zabuxada cəmi 30 nəfər qalıb, hamısı əşyaların daşınması ilə məşğuldur", - Çauşyan bildirib: “Sülhməramlılar avqustun 25-nə qədər vaxtımızın olduğunu söylədilər.”

“Ermənistan hakimiyyəti bizə eksperiment olaraq bizi Laçına yerləşdirdiklərini söylədi”, - Balikyan izah edib: “Biz hökumətə inandıq və bu yerlərə gəldik. Məlum oldu ki, verdikləri vədlərin hamısı yalandır.