ABŞ hakimiyyəti Ukraynanın bəzi hissələrinin Rusiya Federasiyasına daxil edilməsinə qarşı çıxmaq niyyətindədir, buna cavab olaraq Vaşinqton Moskvaya qarşı əlavə iqtisadi sanksiyalar tətbiq edəcək.

Bu barədə Ağ Evin mətbuat katibi Karine Jan-Pyer növbəti brifinqdə bildirib.

“Biz bu qeyri-qanuni ilhaq cəhdlərini heç vaxt tanımayacağıq. Rusiyanın nə iddia etməsindən asılı olmayaraq, bu ərazi Ukraynanın ərazisi olaraq qalır. Ukraynanın tam suverenliyi uğrunda mübarizəni davam etdirmək hüququ var. Buna cavab olaraq müttəfiqlərimiz və tərəfdaşlarımızla birlikdə əlavə tədbirlər tətbiq etmək üçün çalışacağıq. Biz Ukraynanı dəstəkləməyə davam edəcəyik”, - deyə o vurğulayıb.